ANNA WIDÉN

NEBB / HALE / HULDER / ALLE

Leif Høghaug

[Nebb:]

hysj / no stilnar tida / hysj

fräulein mein herr mein gutes kind /
kan hende heng me etter / men
there’s nothing to it / gå
attende / heile vegen veit eg / fram
mot denne verdas eine stad / den vakraste
av alle stader / høyr / det høyrest so /
d’er draumane som veks om natta / veks
slik negler veks i måneljos / og neggu ikkje
sova meir enn vanleg / ach mein liebchen / gå
i motsett retning / jamvel du / me seiast vera
tre i talet / mange / ingen


[Hale:]

hysj / no stilnar tida / her er ingen

ranglefantar sjarlatanar vinglehovud / ingen
vengeklipte vesen veit eg / englar
åh / til dømes englar / und zum beispiel / denne
engelen / o mein liebchen / morgenstern / that’s all
ye know on earth and all ye need to know / okay
ei siste bøn før allting vaknar / skakar
einkvan draum / me drøymde
ein og ein / åleine / sjeldan sånt du kunne
kringkasta ja berre tru på / nei
me kom oss opp / me kom oss ut / that’s all
they knew they knew / dei fyrste


[Hulder:]

hysj / no stilnar tida / dagane / dei fyrste

dagane var altfor lange / altfor
krevjande å trø ikring i / manneheimen /
round and round the planet blue / wir sagten / welt /
wir sagten / bürger / sagten / wir / sind doch weltbürger
og det me sa det sa me / verkeleg / eg veit
d’er mykje desse stakkarane kan fortelja / sjå
koss dei vrir seg / desse stakkarane
vrir / vrir seg / desse stakkarane / sjå
fotefara du vil følgje / nokon
traska under sola / gjekk
mot skogen / vona trea tydde skugge


[Alle:]

hysj / no stilnar tida / skugge-

tida / stilnar / smeltar
veit me nokon snart vil seie / smeltar / renn
som vatn gjennom sjelas flettverk / åh /
alle menschen denken sich dem willen nach als frei / dei
stabba / kvar og ein / dei tre / vidare / ramla
viss gamle stien ville / me skulle ramle / og
kan hende himmelen ville / falle ned / og
spjerre skuggetrea / du / eit hòl
ei flengje / du / i lekamsdelen / den
me kallar ranke ryggen / ryggen fri / it is
almost ordinary / her / i denne tida

hysj / no stilnar / tida / må jo stilne / hysj

Leif Høghaug 2020